|
|
Youz diegcuengh Baksaek --Youq Yienh Singz Bingzgoj
Youq Henz yienhsingz Bingzgoj ,miz song sam dongq bya sang ,aen ceiq sang miz song bak lai mij baenz neix ,dox lienzdem ,aen bya coh heuh [ Gwnz Maxdaeuz ],doengh aen bya haenx yienz bonj dwg gvi aen mbanjcuengh [ Hwnj max daeuz ] ,aen vih Bingzgoj Yienhsingz yaek aeu doengh aen bya haenx youq gwnz de hwnj dap , lij guh mbaek gaep maxdaeuz byenz hwnj bya . Aen mbanj [Hwnj maxdaeuz ] lau deng naeuz yiengh haenx guh mbouj leih aen mbanj de ,caiq gya aen mbanj haenx yaek aeu ma gag guh lij youz gih canh cienz ,yiengh haenx couh caeuq ndaw yienh Cwngqfuj miz dox dingx ,aen mbanj haenx gyoengq vunzlai aen vih caeuq Cwngqfuj dox ceng,miz geij boux ceng ceiq youq gaenj haenx couh ngaiz Cwngfuj baiq Gingjcaz gaeb hwnj daeuj lo !Aen bya haenx daengz laeng couh ngaiz ndaw yienh Cwngfuj hangz swng aeu bae lo .Daengz mwh hwnj dap , aen dap haenx ancoh heuh dap Lungzbeg ,lungz ak gvaq max ,yiengh haenx ,aen bya couh ngaiz gaij coh ,mbouj ndaej heuh Bya [Gwnz Maxdaeuz] lo , aen mbanj [Hwnjmaxdaeuz ] caemh bienq baenz mbouj miz bya gauq lo !
Aen mbanj [ Hwnjmaxdaeuz ] dwg youq henz singz ,aen vih Yienhsingz mbe fat dwg ciuq Vunzgun vwnzva mbe fat fueng sik bae guh ,gyoengq ndaw mbanj vunz [Hwnj Maxdaeuz ] mbouj fug ciemq ,yiengh haenx mienx mbouj ndaej caux baenz Vwnzvaq cai nanh ! Youq diegcuengh raeuz cungj saeh neix gig lai ,Vunzgun leih yungh gyoengq de gaem dawz cwngqswz guenj vunzhoh ,daih liengh Yizminz boux guh seng eiq caeuq boux daqyoz hagseng daeuj diegcuengh youq , caux baenz yienhsingz vunz lai roed muenx ,yiengq seiq henz singz mbanjcuengh swng dieg ,gyoengq de yungh gak cungj ban fap yaz dieg gyaq ,yienz haeuh dawz dieg veh baenz ranzdieg gei buenq hai hawj vunzguh seng eiq canh ciengz , ndaej cienz gyoengq Cwngfuj boux ganqbu couh faen cienz !Gak dieg Cwngfuj cungj dwg yiengh haenx guh ,aen singz seiq henz begsingq mbouj miz genz gag guh cawj gai dieg !Gij haenx couh dwg Vunzcuengh souh daengz ceiq daih hangh Vwnzvaq cainanh ndeu !
Gou youq aen mbanj caeuq vunz ndaw mbanj [Hwnj Maxdaeuz ] aeu vahraeuz gangj di goj lex ,couh byenz hwnj bya bae ,aen bya haenx couh youq henz mbanj ,miz song sam bak gaep max daeuz ,gou byenz hwnj dongq bya Dap Lungzbeg bae ,daj gwnz de yawj daengx singz ,caen dwg yawj raen diuz gai cingcingcujcuj ,yawj raen aen mbanj [Hwnj Maxdaeuz ] daih bouh faenh lij dwg ranz vax ,miz ranz louz vunz gig noix !Aen dap lij mbouj caengz guh sat hong , hoeng aen vih dwg ngoenz cieng ,hwnj bae vunz gig lai !Hauj lai vunz lij aeu vah cuengh lwnh gangj cik saeh cainanh haenx !
Cwngq fuj vih cwng aeu aen bya haenx hwnj dap lungz yaz mbanj [Hwnjmaxdaeuz ] ,dawz vunzcuengh bae gyaeng ,lij yaz gyaq cienz hangz aeu dieg bya , begsingq caen dwg haemz ha !
Gou cij miz genz ndaej rox cik saeh haenx ,mbouj miz genz bae leix cik saeh haenx !
Gou roengz bya ,couh doq dap ci bae Denzdungh lo ! |
|
发表于 2005-2-12 18:25:00