|
Bouxcuengh Angq Hoh “Cibbet Da” 壮族喜庆“十八大” Hoz Gensuij
Cib`it nyied mbanjcuengh Beixnuengx sim angq lai Cibbet da ciuhai Mbwk sai caez angq hoh
Cib`it nyied mbanjcuengh Beixnuengx lumj gvaq cieng Gizgiz diep doiq nding Gingqhoq cibbet da
Cib`it nyied mbanjcuengh Beixnuengx sim angq lai Ciengq fwen baiz daj baiz Danq hai cibbet da
Danq raeuz dangjcunghyangh Yangxsang mbaw geiz nding Gaijgwz yamq mbouj dingz Guek hwng`vuengh minz fouq
Dangj hai cibbet da Gveihva ok loh moq Guh gaijgwz yinghgoz Gohyoz bae fazcanj
Dangj hai cibbet da Guekgya engq miz muengh Raeuz Bouxcuengh beixnuengx Giz giz ruengz(cienz) cix mbaen
Miz dangj daeuj daiq loh Dut hoj ndaej engq veiq Cibbet da ciuhai Fatcaiz caez baenz fouq
Haenh geij bi neix daeuj Guekraeuz fazcanj vaiq Ginghciz gwnz seiqgyaq Baiz youq daihngeih mingz
Cungguek gwnz seiqgyai Baengxyoux lai fouzbeij Raeuz guekgya diegveih Ngoenz beij ngoenz daezsang
Feihconz mbin hwnj mbwn Dap vunz bae youq byiengz Guek yied daeuj yied giengz Lajbyiengz bouxboux haenh
Geq geij bi neix daeuj Dangj raeuz cwngcwz ndei Nuengzminz ndaej sizvei Huenheij geq mbouj caez
Ndaem naz miz cienz bouj Ciengx mou miz cienz bang Swnghhoz ndaej daesang Cienz baengh dangj gvanhvaiz
Mbanjmbanj hwnq ranzlaeuz Caeuq hawsingz ityiengh Gunghdiuz denbinhsiengh Haeuj bingzciengz noengzgya
Ndawsingz caeuq lajmbanj Fazcanj ndaej caezdoengz Goengloh mbanjmbanj doeng Lohboengz mbouj raen yingj
Gaxgonq siengj haeuj singz Yawj funghgingj laeuzsang Guh gaijgwz gaihfang Ndaw ranz dang lauxbanj
Bouxboux miz soujgih Bouxlaux hix hwnjmuengx Mbouj yungh bae rog muengh Saeh lajbyiengz cungj doeng
Gaxgonq raen feigei(feihgih) Yiet hoz raez raez muengh Neix naengh bae youz biengz Bingzciengz dangq naengh ci
Gonq bae rog guhcaemz Miz geij vunz gamj ngeix Seizneix danh mwngz eiq Hai ci`nyaeq gag youz
Gonq sij saek fueng saenq Geij ngoenz cij sou daengz Neix miz vangjloz doeng Buenq doengz ien couh rox
Ranzranz hwnj ranzlaeuz Mbouj you gwn you daenj Gensez saen nuengcunh Veiminz gunghcwngz lai
Baenz bingh miz yihbauj Ciengx laux miz baujcang Yaek gaijcau veizfangz(ranznamz gaij hwnjlaeuz) Miz cienz bang cienz bouj
Gag dieg dangj cwngfuj Ciuqguq daengz vunzlai Mbanjmbanj guh heiqdaiz Vwnzva lai fungfouq
Danq vwnzva sezsih Bujgiz daengz mbanj raeuz Siengj dajgiuz miz giuz Ngonz saw hix fuengbienh
Gag aen cunhgunghsoj Cungj guh miz giuzcangz Vwnzvaq ndaej daez sang Ndaem ciengx miz saw hag
Baengh miz dangq daiq loh Raeuz dut hoj cij vaiq Yied geq couh yied lai Baiz hix baiz mbouj liux
Ciuq gohyoz fazcanj Lajmbanj bienqvaq hung Ndoilingq gaij cauxndoeng Dieg hoengq ndaem gomak
Gaxgonq gwnzndoi ndoq Miz mboq mbouj miz raemx Seizneix ndoengfaex raemh Raemxdah lae ciengzyinz
Dingq dangj raeuz haucauh Yied gauj couh yied ndei Guh hozsez sevei Vunz doxgyaez doxmaij
Guh hozsez sevei Saeh ndei geq mbouj caez Mwngz gingq gou hix gyaez Miz nanh caez doxbang
Guekgya yaek fouqgiengz Beixnuengx aeu doengzsim Mbouj guenj rumz rox fwn Gaen gaenj danghjcunghyangh
Vih caeux haeuj siujgangh Gaen dangj byaij bae naj Dangj hai cibbet da Baenaj loh engq gvangq
Raeuz Bouxcuengh beixnuengx Doxgiet ndongq baenz gang Gaen gaenj dangjcunghyangh Siujgangh caeux guh baenz
|
发表于 2012-11-9 12:00:00
发表于 2012-12-9 09:49:39