（Fwenyoux）Miz Sim Caez Miz Sim

Haeuxgok daem cix hau,

Sim sau nanz raen daej;

Bak gangj riu coh beix,

Sim rox ngeix daeg lawz.

Lau beix miz lai sim,

Lau gim miz lai eiq;

Ciuq baenz nuengx simsaeh,

Caenh gyaez beix boux ndeu.

Beix dangq go dancoek,

Daj goek soh daengz byai;

Dauq heiq nuengx gofaiz,

Daengz byai youh gungjseux.

Beix siengj nuengx caemh siengj,

Dangq boux mbiengj simdaeuz;

Faenhmwngz caemh dangq gou,

Gaejngah naeuz lo beix.

Miz sim caez miz sim,

Dok ding haeuj faexnganx;

Raemx cimq rin baenz namh,

Menh siksanq songraeuz.

Mbouj sij caez mbouj sij,

Dailix cungj songraeuz;

Rinreq bangxdah fouz,

Nywj bienq gaeu menh duenh.

Gwnz mbwn mbouj miz fwj,

Byacwx mbouj did haz;

Vunz mbouj guh reihnaz,

Roenva raeuz menh duenh.

Gaem boux mbiengj doengzcienz,

Ok gyang dien bae sax;

Beix aeu yah dai yah,

Nuengx bae haq dai gvan.

Coenzcoenz gangj dwg liux,

Haeuj miuh bae ndaep daeng;

Byawz bienqsim daeujdaengz,

Seiqlaeng cied gouj daih.

Ngoenz guh hot baj fwen,

Ndwen cix sam cib geij;

Guh fwen dangq lwnh leix,

Ndaej vuen'heij gvaq ciuh.

怎么样才能发贴啊

Ngoenzneix beix daeuj youz,

Raeuz dakdaih mbouj gaeuq;

Cix mbouj ien mbouj laeuj,

Eu fwenyoux guhcaemz.

Cix mbouj bwenz mbouj ciet,

Cungj nauhyied baenzlai;

Eu fwen guh caeuz ngaiz,

Baengh saugvai vuen'heij.

左上角，“发表话题”。

Ndaw suen hai va dog,

Mbouj suenq rongh geijlai;

Daengx suen va cungj hai,

Geijlai cij nauhyied!!!

Bouxcuengh raeuz guh beij(fwen)

Lij miz geijlai vunz

Mbanj laj daengz mbanj gwnz

Daengx hwnz caemnyemnyem

Bouxcuengh raeuz guh beij(fwen),

Caen mij(mbouj miz) geijlai vunz;

Daeggou caeuq daegmwngz,

Ndaej suenq song boux lwi?

Gij fwen bouxcuangh raeuz cin ndaej,siengj hag mbouj boux sonj.

     Gij fwen bouxcuangh raeuz cin ndaej,siengj hag mbouj boux sonj. => Gij fwen Bouxcuengh raeuz caen ndei, siengj hag mbouj boux son.

Siengj gwn bya soengq laeuj,

Vax muengx couh roengz daemz;

Siengj eu fwen guhcaemz,

Gaen hangx laeng beix daeuj!