韩国文化与楚文化有渊源？
(ciep bien gonq )Cet youz diegcuengh --Boengzciengz ---Youjyiz Gvanh --Bujsaiq
Raeuz youq Bakgvan Bujsaiqndwn yawj doxgaiq caeuq vunz haeuj ok. Yawj raen hauj laiAenci cib daenqsieng raez haenxfung dwk reb fwd ,baiz dui haeuj ok gvan ,aen dem aen ,gyoengq de youq bak gvan niemh dan le cij ndaej haeuj ok . Bakgvan miz Cungguek caeuq YeznamzBoux souj gvan niemh danbei hawj haeuj ok, lij miz bouxguh hoiz vah buetdwk yungj foed .Haeuj ok gvan gij dox gaiq miz :Yez namz fueng mienh ,Raemx rang , Gve hoengz ,Mak hoj lungz ,Mak nganx , Gyoij ....Aeu feix hoengz ,feix ndangj doq baenz gak yiengh daiz eij ,gak yiengh doeng duzfaex goenq deudik, byagungq ndawhaij .....Cungguek fueng mienh : Densi ,gya yungh dengi ,dox gaiq ciengz yungh ,saek di gihgaiq ......
Caen dwg ci bae ci dauq ,roed roed mbouj dingz . Gij haenx mbouj geiz heih ,geiz heih dwg miz gyoengq vunz Yeznamz ,haeuj ok bakgvan ,mbouj souh genj caz ,gyoengq de miz boux ci gve ,ragci banj , rap raemx mok , rap saek di mak ,byaek ,Boux souj gvan song guek doiq gyoengq de mbouj leix mboujlangh ,hawj gyoengq de yawz bienh haeuj ok, gyoengq de aeu vah doj dox gangj byot byot, miz lengq cih swz gou dingq ndaej rox : lumj : Aeuj ndij gumx ? (Aeu ndaej gijmaz dox gaiq ) ,Gaenh maenj nyiz ( It gaen maenz ngeih cienz) ndwnh gaeuh ( gwn haeux ) , aenj daex ( aen daeh )dawx (dawh ) , gyoengq de gangj gij vah diuh soq caeuq vah Vujmingz mbouj doxz doengz ,hoeng , cih sawh singmeh ,yinh meh dwg dox doengz , dang yienz ,caemh miz hauj lai vah raeuz dingq mbouj rox . Gou dang seiz naemj ,gyoengq haenx it dingh dwg Vunzcuengh raeuz .Seiz haenx gaenq dwg ban haemh haj diemj lai cung, miz hauj lai Vunz Yeznamz gvaqbak gvanbae ma lo ,gou raen miz geij meh Vunz Yeznamz cingq rap gyoi byaij gvaq dangq naj raeuz gvaq bae ,gou couh aeu vahVujmingzcam : Gyoengq de dingq mbouj rox, yawj yawj raeuz , Miz meh ndeu cam gouh : Nix gaeng doj ? Vunxdoj ?Song coenz neix gou dingq ndaej rox,gou ngaek gyaeuj ,gyoengq de mbouj leix langh raeuz ,cig byaij gvaq gvan bae majYeznamzlo .
Raeuz song vunz byenz hwnj gwnz louz sangz henz bak gvan , yawj gvaq Yeznamz bae ,raen doiq mienh Yeznamz caemh miz aen haw ,gyoengq de youq baih haenx caemh hwnj louz guh bouq daj gai cawx ,caemh miz di vunz byaij .
Raeuz daj Bak ok gvan Youz dox dauq ,caemh haeuj bouq hai dox gaiq Yeznamz bae, yawjgij dox gaiqgyoengqde ,cam gij gyaq rox de bengz cienh .
Byaij byaij le ,dungx iek lo , raeuz bae rafaenjdangwn faenj .Youq giz dieg faenj dan ,miz hauj lai vunz aeu vahcuengh dox gangj , raeuz dingq dwk sugsug ,coenz coenz rox liux, gawq gawq cingcuj ,cam gyoengq de dwg vunz lawz ,gyoengq de naeuz dwg vunz Ningzmingz , gvaiq mbouj ndaej , VahNingzmingz caeuq vah Vujmingz dwg loq dox doengz, dwg ndaejyawz biengh gyau louz , gou cam gyoengq de ,youq giz haenx vunz Ningzmingz vunz lai mbouj lai , gyoengq de han : Youq giz haenx guh sengeiq vunz Ningzmingz gig lai ,hai bouq , buenq gve ,buenq mak , guh faenj hai faenj ,gaj mou hai noh ,guh daj cauj byaek hai byaek, guh ciugauj baij daiz ndoet loujbej ,yienghyiengh cungj guh . Gou cam gyoengq de caeuq vunz Yeznamz aeu vah maz guh dox cam ,gyoengq de naeuz ,aeu vah doj , vunz Ningzmingz dingq ndaej rox vah doj Yeznamz , caemh rox gangj vahdaojYeznamz ,gyoengq de aeu vah doj dox gyaulouz caeuq vunz Vujmingz dox gyaulouz it yingh fueng bienh ,gij ca caemh dangqdwg lumj vah Baekging caeuqvah Bujdungh it yiengh , mwngz daeuj youq neix geij ngoenz ,mwngz caemh rox gangj liux . Seiz gwn faenj haenx ,gou caeuq vunz Ningzmingz beixnuengx gangj goj seiz ,miz geij bouxvunz ndaw mbanj Bujsaiq caemh haeuj daeuj. Ningzmingz beixnuengz couh naeuzgyoengq denyi , dwgbeixnuengx Vunjmingz daeuj cet , gyoengq de gangj gij vah caeuq vah Yeznamz vunz doj dox doengz ,gou cij rox dingq ndaejrox saek caenz ,daih bouh faenh mbouj rox , gou cam gyoengq de ,aenmbanjBujsaiq vah doj baenz lawz gangj ,miz vunz Ningzmingz bang caenz hoiz vah,gouq caeuq vunz Bujsaiq couh ndaej aeu vahraeuz dox damz lo.
Yienz laiz Bujsaiq[浦寨]vah raeuz heuh : [ mbanj Bouxcaiz ] , eisei dwg [才华出众的人] ,seiz neix miz sam bak lai vunz. aen mbanj Bouxcaiz youq haifatbaenzCungguek --Yeznamz mauyi gih gonq ,ngamq miz cib lingz hoh ,baklingz geij boux vunz . Daj giz haenx laeb baenzmauyi gih le, mbanj Bouxcaizdiegraeh dieg naz dieg ndoi ,dieg bya cienz bouh ngaizcwng aeu liux ,mbouj louz saek hauz dieg , Guekgya hawj cienz dieg raehnaz lelij caiq hawj cienz gihbwnj ndaejgwnyouqciengx mingh , cienz fatcaiz baengh gag bae guh seng eiqbae canh , seiz neix gyoengq de miz di cienz ,hoeng gwn sat le couh mbouj miz lo ,Lwglan seng ok couh mbouj miz dieg ,mbouj rox daengz cog baenz lawz guh gwnyouq ! Vunz mbanj Bouxcaiz miz di you sim !
Gwn faenjgangj goj satle,mbwn yaek laep lo ,goj beixnuengx hanz gangj mbouj roxliux ,baez daengq beixnuengx le,raeuz caeuh ok ma, Baedap ci dauq ma Boengzciengz .Raeuz giet ding youq haemh Boengzciengz, ngoenz cog ganj bae laeng caencik gwn laeuj hoengz .
Daj Bouxcaiz daengz Boengzciengz miz ci Cunghbah , sam maenz ngaenz . raeuz lij yienqhoiz ,dang naeuz raeuz dapCunghbah sien daeuj Bouxcaiz youz caiq bae Youjyizgvanh ,ndaej noix hauj lai cienz ci.
Youz sat Bouxcaiz , gou cij rox , Youjyiz gvanh gaenq mbouj dwg aen gvan hoenx dwk youq gaenjdieg gei lo , aen vih ,miz liuxdieg Bouxcaiz, vunz Cungguek caeuq vunz Yeznaemz haeuj ok bae dauq mbouj it ding aeu gvaq Youjyizgvanh , Gvaq Bouxcaiz engq fuengbienh , dang naeuz song guek do dwk , Yeznamz couh lai miz giz dieg gungdwk gvaq daeuj , Cungguek caemh lai miz giz dieg gung dwk gvaq bae , hoeng ciemqndaej Youjyiz gvanh , doiq gungjciq dieg Bouxcaizlij mizyunghcawq.
Youz sat diegcuengh Boengzciengz --Youjyiz Gvanh --Bouxcaiz ,guh coenz fwen geiq niemh de:
Angqyawj diegcuengh raeuzsim sangj ,
Dauq lwnh hwnj daeujdangqcungz cet ;
Daz youx daz sau youz engq gyet .
Doq maengx riuq gek byaij mbouj baeg .
Hoh Gyoengq beixnuengx raeuzciet cieng gvaq ndaej ndei yaenx sim angq !
( SAT )
A.Cauyingj Vangz guh sij
Bi 2005 .2.ng 7
有多少人能看懂这篇文章？翻译一下行吗？ <P> 这是给会壮文的僚人看的!不能翻译!</P> ok!wo kan bu dongsa!~
页:
[1]