[原创]情人节里唱情歌
<P> Vunzraeuz naeuz,Samnyiedsam dwg ciet fwen Bouxcuengh,caemh dwg ciet bouxyoux Bouxcuengh. Ngoenneix,Samnyiedsam Cazcise youq Namzningz comz vunz daeuj hoh,nem hoh banj Sawgun oksaw 200 geiz.Gak gyaiq baengxyoux hix hawj naj,gak gaep cujgvanj lingjdauj, bouxcozgyah, bouxgicej, gak danvih beixnuengx cungj daeuj caezcup.Daihgya miz vah gangj vah,miz fwen eu fwen,ndigah,gou hix guh nyiednauh eu song hot fwenyoux youq lajneix:人们都说，三月三是壮族歌节，也是壮族情人节。这天，三月三杂志社在南宁聚会庆祝，曁祝贺三月三汉文版出版200期。各界朋友也给赏脸，各级主管领导、作家、记者、各兄弟单位领导，欢聚一堂。大家开怀畅谈，尽情欢歌。借此，本人也凑热闹来两首情歌：</P><P>BAE HAQ MBOUJ DOX LUMZ去嫁不相忘（姐妹对唱）</P>
<P>Cej:Haemh neix raeuz nda daengq夜这我俩摆（好）凳
Caemh naengh caez gangj riu齐坐共讲笑
Ngoenzcog cej bae liux明日姐去了
Vamiuz yaek senj naz 禾苗将要迁田</P>
<P> Haemh neix raeuz baengh mbaq夜这我俩并肩
Gou bae haq bae gyae我去嫁去远
Biek meh raemxda lae告别母亲眼泪流
Biek nuengx baez doeknaiq告别妹妹霎时伤心</P>
<P>Nuengx:Swizva baiz baenz doiq花枕头排成对
Roegraeu boiq baenz sueng斑鸠配成双
Caeuq gwizmoq caemh congz和新郎共床
Lumj funghvuengz doxndiep如凤凰相亲相爱</P>
<P> Gou caemh cej doengz angq我和姐姐一起高兴
Haemh neix gangj gvaq hwnz夜这谈话过一晚
Naeuz cien coenz fanh coenz说千句万句
Baenzbaenz cungj hoh fuk总之都是贺福</P>
<P>Cej:Guh sau saedcaih ndei当姑娘实在好
Bohmeh gyaez youh unj父母爱又宠
Guh bawx hong ranz gaenj当媳妇家务忙
Cawj aemj youh baet ranz煮饭又扫屋</P>
<P>Nuengx:Guh sau saedcaih lek 当姑娘实在美
Bohmeh ndiep gvaq gim父母疼得超过金
Yienghyiengh mbouj causim样样不用操心
Dan rox gwn lienh mbonq独独知道吃饭恋床</P>
<P>Cej:Guh sau saedcaih soeng当姑娘实在轻松
Daengngoenz hoengz caengz hwnq太阳红未起床
Daxmeh haeuj rug lwnh母亲进闺房来招呼
Lij guh'unj cang ninz还撒娇装着睡</P>
<P>Nuengx:Gvaq cou mak cix hoengz过了秋果子成熟
Sau hung cix bae haq姑娘大了就出嫁
Mbouj guh bawx cix gyaj不做媳妇那是假
Yawz gvaq baenz ciuh sau哪能过得一世姑娘</P>
<P>Cej:Guh sau ndei fouzbeij当姑娘好无比
Guhmaex vunz hoj lai做妻子人家苦多
Daengx ranz vunz ninz gvaiz全家人睡晏觉
Bawx ngaiz hwnq cawj souh媳妇挨起床煲粥</P>
<P>Nuengx:Guh sau raeuz lujlaj当姑娘我俩随便
Guh yah cix siujsim做了妻子就要小心
Rap raemx aeu rap rim挑水要挑满
Dawz cim aeu sijsaeq拿针线要细心</P>
<P>Cej:Guh sau sim soengsup当姑娘心情轻松
Guh bawx bwt ndaet in做媳妇肺紧得发疼
Byaij loh yaeng diem din走路慢慢地提脚
Lij deng mboen deng ndaq还被唠叨被臭骂</P>
<P>Nuengx:Guh sau ngoenzngoenz van当姑娘天天甜蜜
Guh bawx cancan heiq做媳妇餐餐受气
Gwn haeux gwn gaemz saeq吃饭吃口小
Guh hong gaex rap hung做工推给担重</P>
<P>Cej:Raeuz daj iq doxndei我俩自小相好
Caez ninz caez guh saj一起睡觉一起玩耍
Ngoenzcog cej bae haq明天姐姐出嫁
Biek gvaq lingh mbiengj mbwn离别过另半边天</P>
<P>Nuengx:Gaiq gingq lwenq youh hau块镜光滑又白
Hawj cej sau roi gyaeuj给姐姐姑娘梳头
Ngoenzcog gwizmoq daeuj明日新郎来
Cingj laeuj coux cej bae设宴接姐姐去</P>
<P>Cej:Gaem roi raemxda roengz拿着梳子眼泪流
Biek nuengxdoengz sim get告别妹妹老同心痛
Ngoenzcog raeuz doxbiek明天我俩分离
Seizlawz het dauq raen何时才能再见</P>
<P>Nuengx:Biek maj cix gvej mungz芋头长大就割芋叶
Sau hung hab bae haq姑娘大了该出嫁
Gienq cej gaej nanzgvaq劝姐姐不要难过
Yamq bae naj cix vuen走向前就开心</P>
<P>Cej:Raeuz lumj gaeq caemh rungz我俩犹如鸡共笼
Doengz gwn doengz goegndek(hemq)一起吃一起叫鸣
Fwt dengfwn rumz bek突然被雨风拍打
Doxbiek gag doengsae分离各东西</P>
<P>Nuengx:Cej mwngz bae cuengqsim姐姐你去了放心
Dwg gim mbouj lau myaex是金不怕生锈
Bae hawj vunz guh maex去给人做妻子
Nanz goj ndaej baenz buz久了也可以成婆婆</P>
<P>Cej:Haemh neix buenx gou ninz夜这伴我睡
Soengq coenz youh soengq moq送（好）言又送新（意）
Docih nuengx daeuj gyoh多谢妹妹来同情
Vahbiek goj mbouj lumz告别的话也不会忘记</P>
<P>Nuengx:Caez ndaem naz eu fwen一起种田一起唱山歌
Caez vuen caez gangjgoj一起欢乐一起谈心
Ngoenzcog cej hwnjloh明天姐姐起程
Nuengx sim goj mbouj an妹妹心情也不安</P>
<P>Cej:Biek cix biek saek mboengq分离就分离一段（时间）
Ndaej hoengq ciengz bae cunz得空闲常常去走走
Yienznaeuz guh bawx vunz虽然做了媳妇人家
Cungj mbouj lumz cingzngeih总不会忘了情义</P>
<P>Nuengx:Ronghndwen roengz baihsae月亮下西方
Cingz raez haemh daiq dinj情长夜太短
Nyienh daengngoenz mbouj hwnj愿太阳不要升起
Cingz doxswnj doxdam 情相续相连</P>
<P>Hab:Roeg mbwk mbouj lumz ndoeng鸟大了不会忘森林
Bya hung mbouj liz raemx鱼大了不会离开水
Cejnuengx caez doengzsaemh姐妹共一同伴
Haethaemh sim doxdwen 早晚心互相念记</P>
<P> Haethaemh sim doxdwen早晚心互相念记
Ronghndwen buenx ndaundeiq月亮伴星星
Vunz biek sim goj geiq人分离心里也记挂
Daengx seiq mbouj doxlumz一世不会相忘</P> <P> GO'GYOIJ DIUZ SIM DOG芭蕉条心独独（男女对唱）
Mbauq:Nuengx gang liengj gvaq loh妹打伞过路
Lumj va moq ngam hai如花新刚开
Aen naj lengj lailai个脸美多多
Beix gyaez dai ndiep laemx兄爱死爱倒</P><P>Sau:Nuengx dwg va duh vunz妹是花人家的
Siengj ndaem hix uengjfeiq想种也枉费
Langh beix miz sim'eiq若兄有心意
Caj seiqlaeng caiq damz等后世再谈</P><P>Mbauq:Nuengx ha hojsik lai妹呀可惜多
Va hai vunz gaenq hah花开人家已占有
Gou laih va rog cah我以为花外荆棘
Byawz ngah byawz cix aeu谁馋谁就要</P><P>Sau:Mingh nuengx gaenq hawj vunz 命妹已给人
Aeu gim nanz cawx dauq用金难买回
Beix mwngz gaenq miz sauj兄你已有嫂
Hozbiet ndauq baenz lai何必淫荡这么多</P><P>Mbauq:Ndaej caeuq nuengx doiq fwen得和妹对山歌
Sim vuen iu caez naengh心欢邀同坐
Yienznaeuz mbouj yienzfaenh虽然无缘分
Siengj doxcaemh gangj riu想一同说笑</P><P>Sau:Go'gyoij diuz sim dog芭蕉条心独独
Vunz rog gaej rih myaiz人外别流涎
Boux mbwk boiq boux sai一女配一男
Simlai bouxlaux ndaq心多老者骂</P><P>Mbauq:Laj yiemh ranz gang liengj下檐屋打伞
Cix siengj raemh song caengz就想荫两层
Danghnaeuz ndaej caeuq mwngz如果得和你
Caez guhcaemz engq sangj一起玩耍更爽</P><P>Sau:Beix miz sauj youq ranz 兄有嫂在家
Lij fanz sim mbouj sangj还烦心不爽
Gaej hag nyaenma ndangq别学狐狸斑纹
Caeg gaeqhangh daeuj gwn偷鸡项来吃</P><P>Mbauq:Gwn laeuj lai rox mbwq喝酒多感觉腻
Siengj gwn ndwq singjsien想吃酒糟新鲜
Maenzbya yienznaeuz mienz山薯虽然松淡
Gwn rox diemz rox feih吃感觉甜感觉（有）味道</P><P>Sau:Gwn lai dai vih bak吃多死为嘴
Raemx ndat log sieng fwngz水滚烙伤手
Maenzbya dauq ndei gwn山薯倒是好吃
Hoj gaemzgaemz sieng dungx苦口口伤胃</P><P>Mbauq:Buh moq baenzbaenz lengj衣新总是美
Vavengj baenzbaenz ndei金樱花总是好
Raen sau rog dwggyaez见姑娘野可爱
Sim maez cix lumz sauj心迷就忘嫂</P><P>Sau:Mbaet va rog deng camz采花野挨刺
Va ranz caemh hai moq花家也开新
Byaij loh cix byaij loh走路就走路
Gaej muengh coh henz bien别望向旁边</P><P>Mbauq:Ranzranz miz laeujhaeux家家有米酒
Yawz beij laeuj gwnz gai如何比酒上街
Va ranz yienznaeuz hai花家虽然开
Yawz gvai beij va rog哪乖比花野</P><P>Sau:Maksigloux ceh lai石榴果籽多
Gwn cix ngaiz saeb heuj吃就挨卡牙
Beix sim lai sim mbeuj兄心多心歪
Baenzneix reuj vunz caengz这样轻浮人家恶心</P><P>Mbauq:Byongh hwnz bae guh caeg半夜去做贼
Deng gaeb cix mingh baenz挨捉就是命成
Langh ndaej nuengx guhcaemz若得妹玩耍
Deng vunz caengz hix nyienh挨人恶心也愿</P><P>Sau:Gaeqcwx deng nyaen haeb野鸡挨野兽咬
Luenh youx saed mbouj ndei乱爱实在不好
Nuengx mbouj guh saeh vei妹不做事亏心
Beix gaej bae luenh siengj兄别去乱想</P><P>Mbauq:Beix lij dwg ndang dog兄还是身独
Va rog cingq habsim花野正合心
Aeu vah daeuj sawq coenz用话来试言
Nuengx dwg gim dwg diet妹是金是铁</P><P>Sau:Ndangdog dwg vahgyaj独身是假话
Siengj guh saj dwg caen想玩耍是真
Song da baenqlaenlaen两眼转辘辘
Cien gaeu hoenz lwgmbwk专勾魂女子</P><P>Mbauq:Ienuengj beix lailai冤枉兄多多
Gou bouxsai lauxsaed我男子老实
Mbouj miz vunz dajnyib没有人缝补
Guh saeg caemh gag gou洗刷也各我</P><P>Sau:Gwn caeuq sauj caemh daiz吃同嫂共桌
Ninz bingzbaiz doxdep睡并排相靠
Beix ndiep sauj hix ndiep兄亲热嫂也亲热
Lij bae nep sau vunz还去捏姑娘人家</P><P>Mbauq:Beix dwg miuz muengh mbwn兄是苗望天
Muengh ndaej fwn daeuj coq希望得雨来灌溉
Langh nuengx mwngz roxsoq若妹你懂得道理
Vaiq daeuj goq beix sim快来顾兄心</P><P>Sau:Langh beix gangj vahcaen若兄讲真话
Nuengx miz sim bang beix妹有心帮兄
Mbungqmbaj gyoh biengzbeih蝴蝶同情蜻蜓
Caemh hableix habcingz也合理合情</P><P>Mbauq:Ndaej nuengx gawq vahcaen得妹句真话
Ndaw sim caenh diemznyumj内心尽甜丝丝
Lumj oij ndaej dangz caemj如甘蔗得糖蘸
Van daengz doenj daengz byai甜到根到尾</P><P>Sau:Van cix van daengz byai甜就甜到尾
Ngai(gyaez) cix ngai daengz doenj爱就爱到根
Cingz cix cingz doxswnj情就情互相续长
Swnj cix swnj daengz dai续就续到死</P> <P> Ngvanhfwenngvanhndaej akq,</P><P> Leux bak couh ok coenz,</P><P> Gaemz myaiz ndwnj caengz roengz,</P><P> Coenzlaeng couhyaek ok</P><P> </P> <P>Roeglaejbaenzlaisaeq , </P><P>Gyaetraehndaejbaenzsan ;</P><P>Hotfwenmiz maznanz ,</P><P>Linxutvancixok .</P>
页:
[1]