[原创]就怕竹笋难成材
Lau Rangz Nanz Baenz Faex 就怕竹笋难成材Sai:Dawz boi cix nyangz laeuj Bak loh miz mauxdan<BR> Dawz haeux cix nyangz bya Duj dam duj hai lengj<BR> Raen nuengx gvaq neix ma Mauxdan yienznaeuz siengq<BR> Raen va cix nyangz fungh Mbouj beij nuengx nyaenx ndei
Sau:Aeu saeng bae dangj rumz<BR> Mwngz gangj caemz guh yaeuh<BR> Aeu mbok gyang coux haeux<BR> Song gyaeuj roh baenz hoeng
Sai:Dujduj va miz sim<BR> Coenzcoenz vah ndaw dungx<BR> Roegvuengz siengj aeu fungh<BR> Yawz gamj loengh vahriu
Sau:Bak bit bak lingzleih<BR> Bak beix coenzcoenz van<BR> Dingqnyi beix coenz han<BR> Gwn raemx hamz caemh feih
Sai:Va ndei rox gag hai<BR> Mbouj geuz caiz hix lengj<BR> Nuengx gvai fwen rox ciengq<BR> Mbouj yungh hemq gag eu
Sau:Cin daengz va cix mwn<BR> Fwn gvaq mbwn cix rongh<BR> Gizgiz miz va ndongq<BR> Yawz duengh nuengx boux ndeu
Sai:Raen nuengx haumbupmbup<BR> Lumj dungx goep ndaw naz<BR> Raen nuengx lengj baenz va<BR> Siengj aeu ma guh maex
Sau:Raen beix coekngoetngoet<BR> Lumj go'ndoek hwnj rangz<BR> Siengj aeu ma guh hanz<BR> Lau lij nanz baenz faex
Sai Beix mbouj rox caux gim<BR> Dan rox ndaem naz haeux<BR> Haethaemh cungj gaenx raeuh<BR> Gwndaenj mbouj yungh you
Sau:Vamauxdan mbouj mak<BR> Uengjfeiq cap lajmbwn<BR> Bouxsai mbouj ra ngaenz<BR> Uengj guh vunz gvaq ciuh
Sai:Siengj nuengx siengj uk in<BR> Baenz hwnz ninz mbouj net<BR> Ciuq gingq raen naj beg<BR> Sim gag get gag semz
Sau:Seizneix cwngcwz ndei<BR> Baenzmeiz naj cix rongh<BR> Cingj beix dingq vah nuengx<BR> Hab bongh bae fatcaiz
Sai:Nuengx dwg vasigloux<BR> Beix dwg ngaeux ndaw daemz<BR> Dangh ndaej doxcaemh ndaem<BR> Caez ra ngaenz baenzfouq
Sau:Cim ndeu nanz baenz va<BR> Sa ndeu nanz baenz baengz<BR> Miz sim caj beix mwngz<BR> Baenzfouq daengz caiq gangj 有点困难，因为我不懂看壮文.................
页:
[1]